كورمەنىڭ اشىلۋ سالتاناتىنا قاتىسقان وڭتۇستىك قازاقستان وبلىسىنىڭ اكىمى ج.تۇيمەباەۆ افريكا ەلى قوناقتارىنا قوش كەلدىڭىزدەر دەي وتىرىپ, ولاردىڭ الىپ كەلگەن ونىمدەرىن تاماشالادى.
«حالىقارالىق كورمەدە قانشاما ەلدەر ءوز مادەنيەتتەرىن, ۇلتتىق وزىندىك ەرەكشەلىكتەرىن تانىتىپ وزدەرىنىڭ ەكونوميكالىق جانە تەحنولوگيالىق دامۋ دەڭگەيلەر مەن جەتىستىكتەرىن كورسەتتى. بۇگىنگى كۇنى وڭتۇستىك وڭىرىنە سول كورمەنىڭ ءبىر بولىگىن الىپ كەلىپ وتىرعان افريكا ەلىنە ۇلكەن العىسىمدى بىلدىرەمىن. بۇگىنگى كورمەنىڭ ءوتۋ ماقساتى, ءتۋريزمدى دامىتۋ, مۇمكىندىكتەرگە جول اشۋ, بيزنەستىك بايلانىستاردى جەتىلدىرۋ»,-دەدى اكىم.
كورمەدە افريكا قۇرلىعىنان كەلگەن بىرنەشە رەسپۋبليكا ءوز ونىمدەرىن كوپشىلىك نازارىنا ۇسىنىپ وتىر. ولار 20-دان استام كومپانيالار مەن ەفيوپيا, كەنيا, تانزانيا, گۆينەيا, گامبيا, سۋدان جانە يەمەن ەلدەرىنىڭ قولونەر شەبەرلەرى. افريكالىقتار جاڭا تەحنولوگيالارمەن قاتار, كوپشىلىككە كوتەرىڭكى كوڭىل-كۇي دە سىيلاي ءبىلدى.
كورمەدەگى افريكا بازارىنان قولونەر بۇيىمدارىن ساتىپ الۋ مۇمكىندىكتەرى بار. ولاردىڭ شاي, كوفە جانە قولتىراۋىن, پيتون تەرىسىنەن جاسالعان سومكەلەرى مەن كيىم-كەشەكتەرى ۇلكەن سۇرانىسقا يە.
وسى ارالىقتا افريكا ەلدەرىنەن كەلگەن قوناقتار ءوز سالت-داستۇرلەرىن كورسەتىپ, تانىستىراتىن بولادى. سونىمەن قاتار كونتسەرتتىك باعدارلامالار جانە ەكى ەل اراسىندا قويىلىمدار ۇسىنىلادى.
